年初四團拜+生日派對

                                 年初四，一大班老友嚟到我屋企團拜兼為Kennice慶祝生日

美中不足係爸爸去咗德國公幹，不過Kennice收到好多佢最鍾意嘅 hello kitty 禮物，亦都非常開心！

跟住當然係派利是，一班狂徒展示佢哋嘅展利品！

今晚主菜係食盆菜，同我親手泡製嘅滷水食品，仲有炆牛尾同咖哩雞！

而甜品就有Helen 親手做嘅cheese cake 同Cherry 做嘅馬豆糕！

雖然，個cheese cake 之前比so 醫落咗惡咒，但事實勝於一切，Darren話個cheese cake 好食到咀都歪，係咁添食，唔肥都幾難！Helen 好嘢！

            賀年食品

            農曆年就快到啦！Kennice都做咗啲新年食品賀新年！

              K3 大旅行

              由於Kennice間幼稚園係冇旅行，一些好有心嘅家長就籌辦咗一個k3大旅行比啲小朋友，希望佢哋响最後一年嘅幼稚園生活留番個美好回憶！我哋當然舉家支持，因為Kennice恨去學校旅行已經恨到流口水。

        23.1.2011天公造美，响最近嘅寒流裏，一個好溫暖嘅星期日，行程非常豐富，先响九龍塘幼稚園門口集合，第一站係去桑果園農莊參觀。

除咗桑果樹，農莊仲有啲小白兔同了哥仔，同埋一啲關於桑果嘅產品賣！

去完桑果園，我哋被安排到機場富豪酒店食自助午餐，大會仲安排咗位魔術師表演，在場每一位小朋友都會有一個由魔術師做嘅汽球，最值得一讚係我未見過咁精緻嘅扭汽球，Kennice有一個hello kitty 扭波，而Darren則有一個三眼仔，後來Darren玩遊戲更羸到一個史迪仔波波添呀！

呢個幪面超人亦都好厲害，當然要影吓佢，仲有micky、pluto、donald duck、elmo同cookie monster嘅波波都好靚架！

午餐後，我哋去咗羊咩咩樂園

除咗羊之外，仲有孔雀、天竺鼠同好搞笑嘅火雞！

最後一站係參觀超域教育片場，但由於我哋遲咗到，所以冇得週圍參觀，只係聽咗負責人嘅介紹同埋小朋友大合照之後就走lu！不過所有小朋友都玩得好盡興！

真係要好多謝當日嘅搞手家長，當日有大約超過二百人參加，真係辛苦哂佢哋！

                                        Darren 8歲生日party

                             2010.12.26 除咗慶祝聖誕外，仲係補祝darren八歲生日，亦乘機約班老友聚一聚。

                                    今年嘅生日蛋糕，揀咗Darren最近喜愛嘅隱形戰機--夜鷹

                                                             當然要影合照啦！

         除咗Darren嘅生日禮物，兩個小朋友嘅聖誕禮物都多到不得了！有實用嘅亦有玩具！多謝哂！

                                                     晚餐就係打邊爐，大家好厲害，差唔多全部掃清！

最後影大合照時，由於主角Darren玩得太激烈引致不適，要提早離場休息，所以張大合照就獨欠主角啦！

                              聖誕與龍同行

                               2010.12.25 聖誕日，Darren 期待咗半年嘅「與龍同行」，今日終於去睇啦，我哋半年前已經訂咗票，今日雖然好凍，同埋要到機場博覽館咁遠，但Darren同Kennice都依然咁興奮！

首先出場嘅就係"板龍"，跟住就到好靚嘅劍龍

"異特龍"呀！                                                        最巨型嘅"腕龍"，但亦係最善良！

 真係好似飛緊嘅"翼龍"

最聰明嘅"速龍"

到白惡紀時代，連花都多啲架！

牛角龍呀！                                                                    好似榴槤咁嘅"甲龍"

到最後就係Darren最鍾意嘅"暴龍"同佢嘅baby，暴龍出場時真係好震撼！

雖然係最兇猛，但對住自己嘅BB，都會顯示母性嘅一面！

最後兩小魔怪點少得買紀念品嘅機會！