六日團變八日團的台灣清境及墾丁之旅 - Part II 2009.08.05星期三，當我哋離開清境後，返回高鐵還車，跟住我哋乘坐高鐵到左營，再租車到墾丁。   
進入墾丁，我哋先到好出名嘅"萬巒豬腳"食晚餐，連滔滔都曾經推薦過。  跟住我哋入住於墾丁大街附近嘅"海岸飯店"，外表不俗，內裏就好簡陋，雖然有海景VIEW，但都不值一住，而且價錢亦唔平，我會勸大家不要選擇！安頓好後，我哋就去咗墾丁大街湊熱鬧，大街上都擠滿人，有好多唔同嘅嘢賣，當然泳衣同沙灘拖就最多，因為墾丁係出名嘅衝浪聖地！  2009.08.06 星期四，墾丁的第二天 吃過早餐，我哋就驅車到墾丁好出名嘅"國立海洋生物博物館"   
博物館共分三個館，各有特色，我哋足足行到下午三時先離開食午餐，Darren當然係最開心嗰個，因為佢可以親眼睇到白鯨同鯨鯊！        
仲可以觸摸海星、海參等不同嘅海洋生物  
又可以近距離見到企鵝仔添！  
離開咗博物館，我哋到後壁湖食海鮮魚生和"戒將軍包子店"嘅大包，本來係想試"小杜包子"嘅大包，但人太多要輪侯兩小時，所以放棄！     晚上，我哋book咗好出名嘅"迪迪小吃"作晚餐   
吃過晚餐，我哋又到墾丁大街逛街，仲買咗好多t-shirt做手信 2009.08.07 星期五，墾丁的第三天，颱風吹襲  今早一睡醒，颱風"莫拉克"殺到，我哋收拾好行李轉到"夏都沙灘酒店"。   "夏都沙灘酒店"於墾丁是一間好出名嘅星級酒店，"海角七號"都是那處拍攝，環境非常優美，特別是酒店嘅沙灘和泳池，原訂於墾丁的最後一晚，我哋可以享用酒店嘅沙灘、泳池同設施，讓小朋友開心吓，但"莫拉克"嘅出現，破壞了整個計劃，但亦錯有錯着，於颱風期間入住這間酒店較為安全，以及有好多室內設施享用，不致於被困房內。         
原訂於星期六離開台灣返回香港，因海陸空交通停止，亦被迫延遲兩日。 被困於酒店兩日後，2009.08.09 星期日終於都開始停雨，我哋繼續所剩嘅行程   
包括可以到沙灘玩沙，但由於風仍大，只玩咗一陣  
小型賽車   
風吹砂，台灣最大風嘅地方，岸邊嘅沙被吹到山上  船帆石
下午回酒店休息一陣，趁Kennice瞓咗覺，我同Darren於酒店內走走同影相     
酒店內嘅泳池亦被颱風搞到變咗垃圾池，有排清理 
晚上我哋去咗"天天來"海鮮餐館，跟住就去咗另一名勝"出火"  
"出火"的原因是：地底的天然氣沿着岩層的裂隙冒出地面，點火後燃燒所形成。 跟住再到恆春古城食刨冰  個刨冰大碗到我哋三個人都食唔哂呀！ 2009.08.10 星期一，墾丁的最後一天 一早吃完早餐，於酒店草地玩咗一陣，大家就收拾行李，離開墾丁出高雄，但由於有些公路因颱風破壞封鎖了，我哋好轉折先返到高雄，仲要沿途問路，本來兩小時車程，變咗三小時，怱怱响sogo百貨食過午餐和買手信，就直奔高雄機場，順利回到香港！   
今次台灣之旅算是有驚無險，而且亦可以順利完成所有行程！ | 
！今次真係病得嚴重，登時成個臉蛋尖咗！好彩暑假時Darren儲咗不少彈藥，加上前兩日終於甩咗隻門牙，大家都好想睇吓佢尖面甩牙樣！
